【娛樂熱話】《怪宿宿》蔡景行猛鬼酒店宿一宵？！

今晚 (5 月 6 日）播出的一集《怪宿宿》，主持葉靖儀（Michelle）、蔡景行（行仔）來到泰國，入住芭堤雅一間曾發生命案的酒店房間，Michelle 一入內便顯得很不自在，表情既徬徨又忐忑。最驚嚇之處是案發的屍體被藏在床架內，兩位主持應製作隊要求，需要掀起床板，睇當日的藏屍位。面對極度恐懼， Michelle 唯有死頂，緊閉雙目扶着床褥，行仔負責掀床板。 Michelle 表示事前參考過案發圖片，感受特別深，她猶有餘悸說︰「其實一去到酒店，周身都覺得唔舒服、好攰同頭痛，同埋覺得有啲凍，喺泰國咁熱都幾怪。」行仔則說︰「原本諗住男仔陽氣旺盛，所以幫佢（Michelle）頂，後尾我就後悔啦。」接住他爆出驚人說話，「可能唔止我一個人，有啲奇怪嘢，喺房入邊……」到底勇敢擔當的行仔會有甚麼遭遇？

行仔跟 Michelle 入住的酒店房間，多年前曾發生恐怖命案。

Michelle 鼓起最大勇氣抬起床褥，行仔負責揭起曾經藏屍的床板。

伍韻婷面紅著體育服
明晚 (5 月 7 日）一集，黃紫恩（Jojo）、林桔欣（Jessye）接力做主持，入住馬來西亞傳統屋酒店及水晶球帳幕，又會玩飛索，驚險刺激。
5 月 9 日一集，伍韻婷（Juliana）、陳國麟（Doniven）到日本介紹時鐘酒店，店內除了有 50 個主題供客人選擇，亦提供相應服飾，讓客人做 cosplay 。他們介紹一款體育器材主題房，Juliana 換上日系體育服配合，不過她步出更衣室時，顯得尷尬，並說：「雖然我係鬼妹仔，都覺得衣不稱身，有啲面紅添。」Juliana 雖然怕醜，但也認同穿住制服做運動，的確會更加投入。

來到日本時租酒店，Juliana 參觀體育器材主題房時，亦換上一套運動服。

Juliana 自言穿上運動服，有點尷尬且面紅。