【娛樂熱話】《香港婚後事》｜張振朗曾網上識女仔不抗拒約炮世代！

《香港婚後事》由陳自瑤（Yoyo）、賴慰玲（阿賴）、黎諾懿及羅天宇擔任主持，今晚（5 月 2 日）播出的第三集有張振朗、朱敏瀚做嘉賓，大談對「約炮新世代」、婚姻觀與家庭觀的看法。

黎諾懿贏取太太信任
阿賴因合作《反黑路人甲》與張振朗與朱敏瀚結緣，為答謝好友一口答應擔任節目嘉賓，作為「無飯主婦」的她與 Yoyo 親自準備 shabu shabu，招待兩位「牛魔王」，暢談愛情觀。六人之中，振朗、朱仔及天宇均尚未成家，份屬好友的振朗及朱仔婚姻觀相當類近，除了每次拍拖均會以結婚為前提，更不約而同認為要有經濟基礎才可成家。振朗回應結婚話題時，強調錢不是最大問題，並驚爆一句：「講有錢，要問返黎總先得！」Yoyo 見狀，即搞笑地問諾懿：「你幾歲結婚？」、「我唔知你嗰時有冇依家咁有錢」，嚇得振朗急急補鑊：「我哋唔好再喺黎總面前講錢！」雖然成為被玩對象，但諾懿還是大方回應與太太女尊男卑的問題。「嗰時以我嘅能力，要追趕我太太係冇可能嘅事，但嗰時真係
鍾意…」之後諾懿一本正經分享如何以一招贏得太太信任，內容真摯感人。現年 36 歲的天宇則坦言心急結婚：「40（歲）都係大嘅年紀，都急（結婚）嘅。」

諾懿承認自己當時的能力遠遠不及太太，並大方分享如何化解二人之間的分歧。

「黎總」黎諾懿躺著也中槍，取代羅天宇成為被窒對象！

張振朗紅玫瑰相認網友
六人圍繞了《婚後事》其中一個核心思想「約炮世代，性愛分開」進行討論。振朗自爆中學時，曾透過聊天室約異性出街，更勁老土地以紅玫瑰做相認記認。「嗰時主要都係傾偈，傾傾吓，就會試吓約出嚟。因為嗰時好細個，咪約幾個 Friend 一齊，講話著咩色衫，咬住支紅玫瑰做記認。」振朗又指由於當年科技未夠發達，聊天室不設頭像，故有很大想像空間。「會諗諗呢個係咩女仔，可能會諗到好多美滿嘅事情。」振朗當年的「網戀」最後因一個原因泡湯，到底係乜？
思想開明的振朗又認為「約炮」並非不良好事情。「男未婚女未嫁，試多幾個有咩問題？約炮只係一個名，點都有愛意喺入面。」並分享了好友由約炮演變到結婚生仔的故事。

講到結婚議題，振朗話錢不是最大問題，但目前就以事業為重先。

振朗自爆中學時期曾網上識女仔，約出街見面嘅信物竟然是紅玫瑰。

振朗話「約炮」被世人標籤為不好的行為，但他認為男未婚女未嫁，試多幾個沒甚麼問題。

幻想與賴慰玲一家三口?
今集繼續有情境題 Q&A，問題有「會否接受『多人運動』」及「約炮發生在仔女身上，作為父母可接受？」等，當中最搞笑的莫過於諾懿問振朗及朱仔：「會唔會揀賴慰玲做老婆？」結果兩人異口同聲因為一個原因嫌棄阿賴，朱仔更指覺得二人在教小朋友方面很大分歧。「我試過同埋佢個仔一齊坐地鐵，佢個仔喺度郁嚟郁去。當然佢好乖冇搞到其他人，我心諗如果呢個係我個仔，我一定會叫佢坐
低。」振朗聞言即笑謂：「我估唔到朱仔已經諗到咁遙遠，完全冇呢個幻想嘅餘地。我同佢（阿賴）太 friend，我冇諗過，我有啲想嘔。」

阿賴因為一個原因，同時被朱仔及振朗嫌棄。